استانادا «كورمە» كورمە ورتالىعىندا قر ۇقك, ءىىم مەن قورعانىس جانە اەروعارىش ونەركاسىبى مينيسترلىگىنىڭ رەسمي قولداۋىمەن قازاقستان رەسپۋبليكاسىنىڭ تەرروريزمگە قارسى ورتالىعىنىڭ پاتروناتىمەن ۇيىمداستىرىلعان «تەرروريستىك تۇرعىدا وسال وبەكتىلەردە تەرروريستىك قاتەرگە قارسى ارەكەت ەتۋ» اتتى رەسپۋبليكالىق كونفەرەنتسياسى ءوتتى.
كونفەرەنتسيانىڭ جۇمىسىنا قر تەرروريزمگە قارسى ورتالىعىنىڭ شتاب باستىعى جانات سايپولداەۆ, قر قاۋىپسىزدىك كەڭەسىنىڭ قاۋىپسىزدىكتىڭ جالپى ماسەلەلەرى جونىندەگى ءبولىمىنىڭ مەڭگەرۋشىسى رۋلانبەك بەكجىگىتوۆ, قر قورعانىس جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك جونىندەگى كوميتەتى توراعاسىنىڭ ورىنباسارى رۋسلان ادىقالىقوۆ, الەۋەتتى ۆەدومستۆولارىنىڭ وكىلدەرى, اسا ماڭىزدى مەملەكەتتىك, ستراتەگيالىق جانە قاۋىپتى وندىرىستىك وبەكتىلەردىڭ باسشىلارى مەن ماماندارى قاتىستى.
قر ۋاكىلەتتى ورگاندارىنىڭ وكىلدەرى مەن ساراپشىلارى تەرروريزمگە قارسى ارەكەت ەتۋ سالاسىنداعى نورماتيۆتىك-قۇقىقتىق بازاسى بويىنشا باياندامالار وقىلدى, تەرروريستىك تۇرعىدا وسال وبەكتىلەردە (توو) تەرروريزمگە قارسى قورعاۋ جۇيەسىنىڭ تالاپتارى, سونداي-اق ستراتەگيالىق جانە اسا ماڭىزدى وبەكتىلەردە كيبەرقاۋىپسىزدىكتى قامتاماسىز ەتۋ ماسەلەلەرى باياندالدى. العاش رەت كەڭ قاۋىمعا «ەكسپو-2017» حالىقارالىق كورمەسىن قاۋىپسىز وتكىزۋدى قامتاماسىز ەتكەن كەشەندى قورعانىس جۇيەلەرى مەن تەحنيكالىق قۇرالدارى ۇىنىلعان بولاتىن.
رەسپۋبليكالىق كونفەرەنتسيانىڭ شەڭبەرىندە «تەرروريستىك تۇرعىدا وسال وبەكتىلەردى تەرروريستىك قاتەرگە قارسى قورعاۋ تەحنولوگيالارى مەن قامتاماسىز ەتۋ قۇرالدارى» جانە «اقپاراتتىق قاۋىپسىزدىكتىڭ قاتەرى مەن قامتاماسىز ەتۋدىڭ زاماناۋي جۇيەلەرى» اتتى ماماندانعان سەمينارلارى مەن ەكى تەماتيكالىق ۇستەلدەر ءوتتى.
دوڭگەلەك ۇستەلدىڭ جۇمىسىنا قر قورعانىس جانە اەروعارىش ونەركاسىبى مينيسترلىگىنىڭ, قر ۇقك, «قازاقستاننىڭ ينتەرنەت قاۋىمداستىقتارىنىڭ», Kaspersky Lab جانە ينتەرنەت-كەڭىستىگىنىڭ جۇمىسىمەن بايلانىستى باسقا دا ۇيىمداردىڭ وكىلدەرى قاتىستى. باياندامالاردىڭ تاقىرىپتارى مەملەكەتتىك ورگاندارىنىڭ كيبەرقاتەر ەۆوليۋتسياسىنا, كيبەرتەرروريزمگە قارسى ارەكەت ەتۋ سالاسىنداعى جۇمىسىنا قاتىستى بولدى. «كيبەرقالقان» تۇجىرىمداماسى جانە قازاقستانداعى كيبەرقاۋىپتىڭ ستاتيستيكاسى, ۇلتتىق شابۋىلداردىڭ ەرەكشەلىكتەرى جانە كۇردەلى ينفراقۇرىلىمدارعا شابۋىلداردىڭ الەمدىك تاجىريبەسى, ناقتى كەيستى قاراۋ تۇرىندە رەسەيلىك تاجىريبەدەن جانە كيبەرتەرروريستىك شابۋىلداردان قورعاۋ كەزىندەگى قاراپايىم قاتەلىكتەرى: ستسەناريلەرى, ادىستەرى, تاسىلدەرى مەن قارسى ارەكەت ەتۋلەرى سياقتى ماسەلەلەر جەكە تالقىلاندى.
كيبەرقاۋىپسىزدىك جونىندەگى دوڭگەلەك ۇستەلمەن قاتار, وبەكتىلەردى تەرروريزمگە قارسى قورعاۋدىڭ زامانۋى تەحنولوگيالارى مەن قامتاماسىز ەتۋ قۇرالدارى, VIP-پەرسونالاردى جانە مەملەكەتتىك قىزمەتشىلەردى قورعاۋ جونىندە تالقىلاۋ ءوتتى.
كونفەرەنتسيا قازاقستان جانە ورتالىق ازياداعى قاۋىپسىزدىك جونىندەگى ءىرى ماماندانعان كورمەسى قاۋىپسىزدىك جانە ازاماتتىق قورعانىس جونىندەگى «Kazakhstan Security Systems» حالىقارالىق كورمەسىمەن ءبىر الاڭدا ءوتتى, وندا الەمنىڭ 12 ەلىنەن 80-نەن استام كومپانيالارى زاماناۋي تەحنولوگيالار مەن ازىرلەمەلەر ۇسىندى.
كورمەدە وبەكتىلەردى ينجەنەرلىك-تەحنيكالىق تۇرعىسىنان جابدىقتاۋ, شەكتەۋلەر مەن قورشاۋلار, بەينەباقىلاۋ جۇيەلەرى, كىرۋدى باقىلاۋ جانە باسقارۋ, دابىل قاعۋ, حابارلاۋ جانە بايلانىس, ءورتتى انىقتاۋ جانە تابۋ جۇيەلەرى مەن قۇرالدارى كورسەتىلگەن بولاتىن. كورمەنىڭ ەكسپوزيتسياسىندا اقپاراتتىق قاۋىپسىزدىك سالاسىنداعى الدىڭعى قاتارلى شەشىمدەر, ونىمدەر مەن قىزمەت كورسەتۋلەر ەرەكشە ورىن الدى.